هدهد النواب حلقات جديدة ننشرها بـ"مباشر كفر الشيخ " عن أحوال أهالي محافظة كفر الشيخ مع نوابهم ،ومدى تلاحم نواب البرلمان الذين تم اختيارهم ومدى مصداقية النائب وتلاحمه مع القضايا اليومية، والمشاكل والمعاناة التي يعانوا الفقراء المطحونين منها ، وعلى جانب أخر سيتم عقد لقاءات مع النواب ولكن بعيداً عن حلقات الهدهد. 

وهدهد النواب سيكون بالعامية المصرية بلغة بسيطة وكأننا نجلس على المصطبة ونؤكد للسادة النواب أن الهدهد يتابع مدى خدماتكم أو تقصيركم دون مجاملة أو محاباة سنتناوله بحيادية تامه ونقد بناء . 

" أنا قاعد في حالي كافي خيري شري ، لقيت نقر على الشباك قلت " مين " قال لي أنا هدهد جايب لك أخبار كتير ، فتحت الشباك لقيت هدهد، استغربت قلت اللهم اجعله خير، قال لي ممكن اتكلم معاك قلت له ومالوا خد راحتك، قال أنا خصصت نفسي للنواب، أطير في كل المدن والقرى وأقف على الشجر وأجيب لك أخبار النواب، أيه ألي هيقولوه الناس عنهم ،وأطير للوزارات ولكل مكان أعرّفك بأحدث الأخبار ، قلت له خليني في حالي كافي خيري شري، قال عيب مش أنته ألي تقول الكلام دا ،عيب والله عليك يا أسيط ، دنا حتت هدهد بقول هجيبلك أخبار كتير ،وانته خايف قلت له لا والله ما أنا خايف ،ولكن انته عارف لما أنقد الناس بتزعل، قال لي والله الناس بتقول أنك لا تخاف إلا الله ، قلت له والله عندك ياهدد النواب حق . 

  سبني الهدهد وطار وبعد ساعة رجع تاني ،"قال لي شفت حوادث كتير على الطريق الدولي ولكن مشفتش ولا نائب تحرك هو النواب دول مش من هنا ولا أيه ، قلت له شفت ايه تاني ، الرمال السوداء بتتسرق أش دا مشروع قومي لازم يكون ليهم وقفة ولا أيه ، والمصيبة يا أسيط ، قلت له خير ، قال بعض النواب داخلين للمحافظ بدل ما يقدموا مقترحات وحلول لمشاكل المحافظة ويساعدوه بيقدموا طلبات خاصة ببعض الناس ألي في دوائرهم ، قلت له من حقهم ، قال لا ومين يجيب حق الغلابة ، مش ده حرام تفضيل ناس على ناس ، قلت له هدهد عاوز أنام ممكن ، قال لي هو دا ردك ماشي مش هنسى لك ده أبداً .