عالج نفسك بعد التعرض لحرارة الشمس بهذه الطرق
تم النشر
بتاريخ : -0001/11/30 الساعة : 12:00:00
هند شكر
أعلن هانى الناظر، رئيس المركز القومى للبحوث السابق، روشته بإجراءات يجب استخدامها عن التعرض لحرارة الشمس الشديدة.
وقال فى تدوينة على حسابه بموقع التواصل الاجتماعى "فيسبوك": "طيب افرض حضرتك أو حضرتها نسيتوا أو ما سمعتوش الكلام اللى أنا قلته كإجراءات وقائية وحماية، وحد منكم أو من العائلة خرج اليومين دول فى الشمس واتعرض للحر الشديد أثناء ساعات النهار وفقد عرق كثير".
وأضاف: "وبعد ما رجع البيت لا قدر الله بدأ يشعر بصداع وسخونة وهبوط وعدم قدرة على الحركة، واحمرار والتهاب وحرقان فى جلد الوجه والذراعين، أو أى أماكن تعرضت للشمس مباشرة، يعمل إيه على طول ؟".
وتابع: "أولًا يجيب من الصيدلية محلول جفاف، وأقراص إسبرين، ومحلول كلامينا وكريم بانثينول، ثانيًا بسرعة يدوب كيس محلول الجفاف فى كوب ماء عادى من الحنفية ويشربه كله، ثالثًا ياخد قرصين إسبرين ويقعد يستريح فى غرفة بها تهوية كويسة".
وواصل: "رابعًا بعد الصداع ما يروح ويفوق من الهبوط ويقدر يتحرك بسهولة، يدخل الحمام ويستحمى بماء بارد وليس فاتر ومن غير ليفة".
واختتم: "خامسًا بعد الحمام يدهن الجلد الملتهب بمحلول الكلامينا بعد مايرج الزجاجة كويس، وبعد ساعة يدهن الجلد مرة تانية بكريم البانثينول، ونكرر الدهانات مرتين أو تلات مرات يوميًا، كل الأمنيات الطيبة لحضراتكم جميعا وربنا يبعد عنكم كل سوء وأذى".
تعليقات الفيس بووك
