يخدعك ... شعر د . محمود يونس
تم النشر
بتاريخ : -0001/11/30 الساعة : 12:00:00
ملعون ابو اللى تعيش
عشانه ويخدعك
لحظة ماتبقى معاه بقلبك
يبيع هواك ويودعك
كتير سمعت دموع عنيه
وعمره ما حاول يسمعك
ولا مره حاول يدى حاجه
ولا اى احساس كان بجد
ووعده انه يكون معالك
كان بس وعد
كنت انت شايفه ملاك وهو
شايف فى وشك كل حد
اللى زى ده انسى حبه
واى لحظه كنت فيها
فى مره جنبه
مايستاهلش
اللى زى ده دمع عينك
ولا لحظه واحده تفتكر
اللى كان بينه وبينك
ودايما حاول تفتكر
انه فعلا مايساويش
وان انت بس اللى رسمته
وانه شىء
وانه وسط الناس مفيش
ولكل حاجه بتبتدى لازم نهايه
ومفيش شىء ما بينتهيش
واملك مشاعرك واوعى مره
تسيب مشاعرك تملكك
خليك قوى هتعيش ملك
واعرف كمان
ان المشاعر بس وهم
انت اللى صممته فى خيالك
احساسك انت بتصنعه
واهو دار وجالك
وانت اللى قادر بس انك
فى لحظه واحده تغيره
اصل المشاعر سوفت وير
اى احساس لو كبير
تقدر فى ثانيه تمسحه وتعود اليه
والاحساس اللى انت عايزه
برده تقدر تبتديه
وتعيش معاه
ولو شىء محاه
ابتدى احساس جديد
وصمم الاحساس بشكل
تكون مع شعورك سعيد
على قد تصميمك هيبقى
الشعور جواك قوى
برده حاول انه يبقى
شعور سوى
علشان لاطول فتره يبقى
وخلى المشاهد الجميله
تبقى سابقه
واعرف ان الشىء الوحيد
اللى ثابت هو انت
والباقى كله سوفت وير
فعشان كده اياك تعيش
جوا احساسك اسير
تعليقات الفيس بووك
