أخر الأخبار

لما تبقى .. شعر د. محمود يونس

شاهده : 2150

لما تبقى بجد محتاجه لوجوده

ومتقدريش تتحملى 

 لو يوم يغيب

ولما تشوفيه قدام عنيكى

تلقى الحياه متغيره

قلبك يدق وجسمك يسيب

وتعيشى لحظات إرتباك

بعدها إحساس عجيب

بالفرحه  والخوف والقلق

وشعور بدأ

تتمنى إنه ما ينتهيش

أحاسيس جميله  وطيبه

وياريت تعيش

لحظات تحسى إنها كل الحياه

نفسك يكون العمر كله بين إديه

ويكون معاه

وتلقى فيه اللى جى من حياتك

تسكتى يسمع سكاتك

ويبص ف عنيكى البريئه

يلقى  إحساسه اللى تاه

وتبصى ف عنيه تغرقى

والموج يشدك جوا منها

تتمنى إنك تبقى فيها

وتعيشى فى هدوءها وسكونها

وتنسى جواها اللى فات

وتحسى إن الدنيا هو

وهو كل الأمنيات

هو السند اللى مش ممكن يسيب

هو اللى مش ممكن يكون

غير الحبيب

تعليقات الفيس بووك

موضوعات متعلقة