خليك دايما حاجة حلوة ... بقلم نهال السنهوري

تم النشر بتاريخ : -0001/11/30 الساعة : 12:00:00
أضف إعلانك هنا

دايما خليك حاجة حلوة في حياة الناس الي تعرفهم واللي ماتعرفهمش سيب بصمة حلوة عند كل الناس خليك مصدر بهجة وسعادة ليهم ،مجرد ابتسامة تترسم ع الوشوش بسببك ده كنز ولو حد متدايق وزعلان وفكر فيك انت وفضفضلك رغم ان عمره ماكلمك احمد ربنا ع النعمة دي حاول يكون ليك دور ف تغيير حياة الناس للاحسن لو بمجرد ابتسامة حتي لو انت مش قادر تغير حياتك ،

خليك زي الوردة جميلة تبعث ف النفس الهدوء خليك زي الشمس ف كرمها بتدفي الكون كله بدون مقابل خليك زي خضار الزرع صافي ورائع ونقي خرج كل الطاقه الحلوة الي جواك للناس قويهم وفرحهم صدقني مابتخلصش بالعكس كل مابتدعم بيها غيرك طاقتك دي بتزيد وبتكون انت مبسوط وسعيد وحاسس ان وجودك ليه معني خليك لما تغيب كل الناس تحس بفرق وجودك تدور عليك حب كل الناس حتي لو مش بيحبوك مش مهم املا الكون كله حب زي رشة العطر الي بتملا الجو وبتخلينا نقول الله صدقني مش هتخسر حاجة دانت هتكسب نفسك وهتحبها قوي وكل الناس هتحبك ،خليك ايجابي دايما حواليك هالة من الطاقة الايجابية الي تشحن بيها الناس وتملاهم تفاؤل وحب للحياة خليك حاجة حلوة .
أضف إعلانك هنا
تعليقات الفيس بووك

موضوعات متعلقة