قلبى اتشد شعر د. محمود يونس - مباشر كفر الشيخ (نسخة للطباعة)
أضيف بتاريخ : 01/01/1970 الساعة: 2:00:00 . .
قلبى اتشد شعر د. محمود يونس
أنا شايف شئ كده مش ممكن
بينور فى الضلمه بجد
خفت بعدت بسرعه جريت
بس لقيت الضوء إتمد
قلبى إتشد
قلت أشوف
فجأه لقيتنى فرحان جدا
ومفيش خوف
لكن قلبى كان بيدق
ونفسى سريع
خايف إنه يصبح وهم
أو إن اللى بشوفه ده حلم
وخايف إن اللحظه تضيع
بقى معقوله بعد سنين
بعد غيابها وشوق وحنين
أرجع أشوفها
بقى معقوله الأيام تضحك
بعد غياب
بقى معقوله أرجع تانى
كده أتبسم بعد عذاب
غمضت عيونى وإتمنيت
اللى أنا شايفه يبقى حقيقى
وإن عيونى ما تدمعش
ورجعت فتحتها بس لقيت
إن الغايب ما بيرجعش
وإن أنا فعلا عايش بحلم
بعد ثوانى غاب النور
وأدينى تانى رجعت أتالم