جوا قلبي زي امي الاقي مين

بس اقول ايه ولا ايه

ده اللي وصاني عليها النبي الهادي الأمين

قالي امك ثم أمك ثم أمك ثم ابوك

ما انتي عمري وانتي روحي..ايوا زيك الاقي مين

ياللي دعوه حلوه منها تفتح ببان متقفله

وبرضاها يرضى ربي..

ماهو ربي قالي احسن إليها و اراعيها ولا اقولش حتى اف

يعني اكون دايما مؤدبه بين أيديكي يا حبيبتي

اه حبيبتي ...ما انتي امي ياللي كل حته مني نبته منك

حتى دمي هو دمك

بكرا أكبر وابقى سندك واشيلك ف الكبر

زي ما شيلتيني دايما وقت ما احتجت اليكي

وحتى في وقت الدلع...ايوا بدلع عليكي

ما انا كل ما بحتاج لحاجه بلاقيكي انتي المفر

بس مش هستنى اكبر

من دلوقت بردو اساعدك قد ما اقدر

ده انتي تؤمريني امر

بدعي ربي يحفظك يا أمي دايما 

تسلمي من كل شر

وانا بردو مهما أكبر راح يزيد حبي وعرفاني بجميلك

ده انتي احلى ما فى حياتي حبي ليكي زي نهر

مليتيه حب وحنان ...مهما أكبر مش هيخلص مهما كان

ربي احفظها لقلبي..دعوه راح اعيد فيها وازيد

تسلمي ويطول لي عمرك..ده انت عيدك احلى عيد 

عاوزه اقول لك يا حبيبتي ....عيدك يا امي سعيد