الدكتور عوض حجاب يكتب .. متى تحتاج إلى تثبيت الفقـرات القطنية ؟
تثبيت (أو تركيب دعامات ) للفقرات هو عبارة عن عملية جراحية بيتم من خلالها عمل إلتحام بين فقرتين أو أكثر بالعمود الفقرى وذلك بإستخدام دعامات مصنوعة من مادة التيتانيوم (المتوافقة مع الجسم) مع وضع رقعة عظمية أو قفص صناعى مما يحقق ثبات الفقرات معطيا الفرصة لحدوث الإلتحام العظمى الكامل بين الفقرات.
إمتى بنحتاج نعمل النوع ده من العمليات؟
1- بنحتاجها فى بعض حالات الإنزلاق الغضروفى وذلك فى حالة وجود علامات تدل على عدم ثبات الفقرات
2- حالات التزحلق أو الزحزحة بين الفقرات
3- حالات الكسور
4- حالات الإلتهابات الدرنية وغيرها بالعمود الفقرى
طب لو أنا عندى غضروف والفقرات فيها علامات عدم الثبات, هيجرى إيه لو شلنا الغضروف بس و معملناش التثبيت؟
فى الحالة دى المشكلة مش هتظهر بعد العملية لأن فى كل الحوال آلام الرجلين هتتحسن بعد العملية ولكن لو كنا محتاجين تثبيت ومعملنهوش بنبقى عرضه لمشاكل تانية كتير على المدى البعيد زى إن آلام الظهر ممكن ماتتحسنش وأكتر من كده ممكن فى خلال سنين قليلة بنبقى عرضة لحدوث إرتجاع بالغضروف أو حدوث تزحلق بالفقرات وساعتها هنعمل برده تثبيت بس العملية هتكون أصعب بكتير,علشان كده مهم جدا إن الطبيب المعالج يتأكد من ثبات الفقرات من خلال سماع الأعراض بعناية والكشف الإكلينيكى وطلب الفحوصات اللازمة
ممكن العملية تتعمل بالميكروسكوب الجراحى؟
الميكروسكوب أصبح ضرورة لا غنى عنها فى إجراء مثل هذه العمليات
طب العملية دى ممكن تأثر على ممارستى لحياتى الطبيعية؟
سؤال مهم جدا , إن شاء الله بنخرج من المستشفى فى اليوم الثالث من إجراء الجراحة , بنيتدى المشى فى نفس يوم الجراحة, وبنرجع لأنشطتنا اليومية المعتادة مباشرة بعد الجراحة تدريجيا فى خلال إسبوعين يسمح بعدها بقيادة السيارة . أما الرجوع للعمل تكون بعد شهر من إجراء الجراحة مع العودة لكامل الحياة الطبيعية قبل الجراحة ويسمح حينها بثنى الظهر والركوع والسجود.
عند تثبيت فقرتين بالعمود الفقرى تقوم الفقرات المجاورة بتعويض انقص الحادث فى الحركة تدريجيا حت يستعيد المريض تدريجيا مدى الحركة الطبيعى للعمود الفقرى بشكل شبه كامل فى خلال شهرين أوثلاثة
- للتواصل مع العيادات
- الاسكندرية / شارع ال45 امام مستشفى عقبه ابن نافع 01027148915
- كفرالشيخ / خلف معهد الكبد _ امام باب الزياره 01027148918
- بلطيم / امام سوق القطاعى خلف مطعم الوحش 01093556510
للطوارئ : 01012117813 _ 01097246453
