"كان هيجيب جهاز لبنته" سائق بمطوبس يعيد 280 ألف جنيه لراكب نساهم في الأتوبيس

محمد أبوستيت

انتشرت علي السوشيال ميديا خلال الساعات الماضية , قصة أمانة وشرف لسائق أتوبيس بموقف قرية برلمبال التابعة لمركز ومدينة مطوبس , أعاد مبلغ 280 ألف جنيه نساهم احد الركاب كان متجهاً لشراء جهاز ابنته المقبلة علي الزواج .


ونص القصة كالآتي : بابا كان بيع قيرطين ارض ب٢٨٠الف جنية علشان يجوز اختي ويكمل الشقه لأخويا فيه افاده او ورقه بيجبها من البنك الزراعي في مطوبس لكن للأسف لقي البنك زحمه فقرر يروح البنك فرع برمبال وراح موقف برمبال في مطوبس وركب قدام في الاوتوبيس وكان معاه شنط كتير وظرف الفلوس كان معاه فيه حوالي ٢٨٠الف جنية ونسي ظرف الفلوس مكانه علي الكرسي ومكتشفش ان الفلوس ضاعت غير في البنك خرج جري يدور مش عارف واقعه فين لقي السواق هو اللي بيدور عليه علي السكه وراحله وقاله (امسك فلوسك دي ياعم الحاج دي انت ناسي نفسك واحمد ربنا ان انا اللي لقتها) بابا اول ملقي الفلوس مع السواق عيط خصوصا انها تمن اخر قطعة ارض عندنا 


فأنا قررت اكرم الاستاذ وائل عزب واشكره علي امانته ومهما اتكلمت عنه مش هقدر اوفي بحقه لانه بجد منع حاجات كتيره جدا بأمانته دي كان ممكن بابا يحصله حاجه او فرح اختي يبوظ او اخويا ميكنش له شقه يجوز فيها وكانت ماما هتتعب فالحمدالله احمدك يارب والف الف شكر للأستاذ وائل الراجل الطيب ولحضرتك ادمن الصفحه المحترمه دي اللي دايما بتابعها وبجد بجد انا فرحانه جدا


وطالبت بتكريم هذا السائق الأمين 

تعليقات الفيس بووك

موضوعات متعلقة